حبي نفسك فهي تستحق

غيري زمان وأكسبي صحتك_

زمان كنت بشتري طلبات البيت كلها في يوم واحد عشان أخلص _

النهاردة بروح السوبر ماركت في يوم وبتاع الخضار واللحمة في يوم تاني _

زمان لما كنت بغلط كنت بفضل أقول أسفة حقك عليا مليون مرة لحد ماالشخص يسامحني _

النهاردة بقول وانا اعنيها تماما أسفة مرة واحدة بس ،ولو فيه اي حاجة ينفع أعملها عشان أصلح خطأي انا مستعدة _

.وبسيب الشخص ياخد وقته لحد مايهدي

زمان كنت بنضف بيتي كله في يوم النهاردة _

انهاردة لو بنضف لوحدي بقسم الشغل علي يومين وممكن اجيب حد يساعدني مافيش مشكله خالص _

زمان لما كان حد يبعت لي عنده مشكلة كنت لازم أجاوبه اول ما أشوفها _

النهاردة بسأل هل الموضوع مستعجل ولا ممكن أرد لما أفضي _

زمان كنت باجي علي نفسي وصحتي واعصابي واستحمل شغل كتير _

النهاردة بعمل حساب ساعة المشي بتاعتي ووقت الكواليتي تايم مع ولادي ومابخليش الشغل يجي عليهم _

زمان كان لما حد قليل الذوق أو سمج أو مركز معايا بشكل منفر يعمل حركة سخيفة كنت بتضايق واقول لنفسي معلش

النهاردة بقول انا اسفه مش هينفع نبقي صحاب او انفريند ونخلص _

زمان لما كنت ببقي عاملة دايت واخواتي بياكلو حاجة حلوة احرم نفسي منها ومن مشاركتهم اللحظة الحلوة

النهاردة باكل معاهم عادي واظبط تاني يوم او ازود في المشي من غير احساس بالذنب _

زمان كنت بسمح الناس تعاتبني او تلومني _

انهاردة بسمح بالعشم ومن القريبين بس لوم لا عتاب لا _

زمان لما حد قريب فيه بينا عشرة كان يبعد من غير سبب كنت اتوتر واتخض _

انهاردة بروح اساله انت زعلان في حاجة لو قدر مبادرتي وشرح اسبابه بلطف بعتذر لو ساق فيها و افتكر نفسه عليا يبقي سكة السلامة

زمان ماكنتش بحبني

النهاردة بحبني

One Reply to “حبي نفسك فهي تستحق”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *